NORTZUK GARA?

Donostiako EHUko Gizarte Hezkuntzako ikasleak gara eta harrera etxeen inguruan hitz egingo dizuegu blog honetan. Izan ere, garrantzitsua iruditzen zaigu gai hau lantzea, azken batean, guk harrera etxe batean lan egin nahi badugu edo egiten badugu, arlo hauek kontuan hartu behar direla iruditzen zaigu. Horretaz gain, harrera etxea aztertzea gure etorkizun bateko lanerako egokia eta baliagarria izan daitekeela uste dugu. Gainera, bertako beharrak eta premiak aztertzeko aukera ere izango dugu. Honen beharrak eta gabeziak aztertzeaz gain, bertan bizi diren gazteen beharrak eta gabeziak ere zeintzuk diren aztertuko dugu. Informazio zehatzagoa lortzeko, bertako gazteei galdetegi bat pasatzea erabaki dugu, konkretuagoak izateko, test galdetegi bat. Horretaz gain, hezigaiei ezagutzen dien pertsonekin, kasu honetan, beraien hezitzaileekin, hitz egitea ere egokia iruditzen zaigu, horrela gazteen informazio sakonagoa lortu ahal izateko.

Gure blogak bi helburu nagusi ditu:

• Harrera etxeen inguruko infomazioa ematea.

• Funtzioak zeintzuk diren definitzea.

Dena laburbilduz, asko motibatzen gaitu blog hau burutzeak, gai ezberdinak ikertu ditzakegulako eta gure etorkizun bateko lanbide eremura hurbiltzen hasiko garelako. Horretaz gain, informazio erreala eta lehenengo eskukoa izatea garrantzitsua eta ezinbestekoa iruditzen zaigu, bai guretzat, baita irakurleentzat ere. Izan ere, harrera etxeetan bizi dituzten esperientzia positiboak eta negatiboak zeintzuk diren jakiteko aukera izango dugu.

Gure burua modu original batean aurkezteko bertso bat egitea erabaki dugu:

Orain egingo deuna

Da aurkezpen bizkor bat

Honekin aldau nahideu

Gizartean beirada

Gu saiatuko gea

Jartzen gure indarra

Gure helburua da

Hartzaileei informatzea

Lehengo taldekidea

Da altua ta jatorra

Maider da izenez

Gure Irundarra

San Martzialak ta beste

mila bat farra

Horretaz gain iteitu

Lanak milaka

Bigarren emakumea deu

Yan Urnietarra

Gauzak idazten da

Taldeko hoberena

Bere lagun mina

Da kira txakurra

Hala eta guztiz ere

Bera da azkarrena

Hurrengo emakumea da

Maialen Eibartarra

Bera da taldeko

txoriburuena

Nahiz ta etzayon ahazten

Brunon izena

Hala ere inor bezela

Maitatu daitekeena

Maider da azkeneko

Taldekide tolosarra

Bera da txalupako

Iparrorratza

Horretaz gain da urduri

Jartzen dan bakarra

Horrekin etortzen zaio

Marroia barra-barra

Txalupa da gure

Taldean izena

Nahiz ta oztopok euki

Beti gaude flotan

Gure artean itedeu

Ekipo hobena

Benetan gara denak

Lanean bizkorrenak

Doinua: astoa ikusi nuen